Front-End Developer
Mëso zhvillimin Front-End nga fillimi dhe ndërto faqe web dhe aplikacione moderne, responsive dhe interaktive duke përdorur HTML5, CSS3, JavaScript, TypeScript dhe React.
Kursi Front-End Developer është një program profesional i krijuar për të gjithë ata që dëshirojnë të mësojnë zhvillimin e faqeve dhe aplikacioneve moderne në internet, edhe pa pasur njohuri të mëparshme në programim. Programi fillon me bazat e funksionimit të internetit, strukturimin e faqeve me HTML5 dhe stilizimin e tyre me CSS3. Më pas, pjesëmarrësit mësojnë JavaScript për të krijuar ndërfaqe interaktive, si dhe teknika moderne të zhvillimit si Responsive Web Design, CSS Flexbox dhe Grid.
Në pjesën e avancuar, kursi trajton TypeScript dhe React për ndërtimin e aplikacioneve moderne, menaxhimin e komponentëve, gjendjes së aplikacionit dhe komunikimin me API. Gjatë kursit, pjesëmarrësit do të punojnë me Visual Studio Code, Git, GitHub dhe mjete të tjera profesionale, duke realizuar ushtrime praktike, detyra, kuize dhe projekte reale.
Në përfundim, çdo pjesëmarrës do të ketë mundësinë të ndërtojë dhe publikojë një projekt përfundimtar, të cilin mund ta përfshijë në portofolin e tij profesional. Kursi fokusohet ekskluzivisht në zhvillimin Front-End dhe synon të krijojë një bazë të fortë për vazhdimin e karrierës në zhvillimin e aplikacioneve web.
Cosa imparerai
- Të kuptoni funksionimin e internetit, faqeve dhe aplikacioneve web.
- Të krijoni struktura semantike dhe të aksesueshme me HTML5.
- Të stilizoni faqe profesionale duke përdorur CSS3.
- Të përdorni CSS Flexbox dhe Grid për krijimin e layout-eve moderne.
- Të ndërtoni faqe Responsive për telefon, tablet dhe kompjuter.
- Të zotëroni konceptet themelore dhe moderne të JavaScript.
Mostra altri 11 obiettivi
- Të manipuloni DOM dhe të menaxhoni ngjarjet e përdoruesit.
- Të përdorni Fetch API, JSON dhe programimin asinkron.
- Të menaxhoni projektet me Git dhe GitHub.
- Të përdorni npm dhe mjetet moderne të zhvillimit Front-End.
- Të shkruani kod JavaScript të tipizuar duke përdorur TypeScript.
- Të ndërtoni aplikacione moderne me React.
- Të përdorni komponentë, Props, State dhe Hooks në React.
- Të implementoni navigimin dhe komunikimin me API në aplikacione.
- Të zbatoni parimet bazë të UI/UX dhe Accessibility.
- Të testoni, optimizoni dhe publikoni aplikacione web.
- Të realizoni projekte praktike për portofolin profesional.